د جنګ بندۍ د خاتمې نه وړاندې د ايران په مذاكراتو د ګډون پرېكړه اهمه ده۔ وفاقي وزير عطاء اللہ تارړ v

اسلام آباد  (مانند نیوز) د اطلاعات او خپرونو وفاقي وزير عطاء اللہ تارړ وئيلي دي په اسلام آباد امن مذاکراتو كښې د ګډون په اړه تر اوسه د ايران لخوا په رسمي توګه ځواب نه دې ترلاسه شوې، پاکستان د ثالث په توګه د ايران چارواكو سره پرله پسې په تماس كښې دے٬ د جنګ بندۍ د خاتمې نه وړاندې د ايران په مذاكراتو د ګډون پرېكړه اهمه ده۔ د نهې په ورځ خپل اېكس پوسټ كښې وفاقي وزير عطاء اللہ تارړ د پاكستان د معياري وخت له مخې تر 7:30 بجو د صورتحال نه خبرولو سره ووئيل په اسلام آباد امن مذاکراتو كښې ګډون لپاره د پلاوي د تصديق په اړه د ايران لخوا د رسمي ځواب ته انتظار دے٬ پاکستان د ثالث په توګه ايران سره پرله پسې په تماس كښې دے او د سفارتكارۍ او مكالمے په لاره عمل كوي۔ ده ووئيل جنګ بندي د اپرېل په 22مه نيټه د پاكستان د معياري وخت له مخې سهار وختي په 04:50 بجے ختمېږي او د دوه اوونيو د جنګ بندۍ د اختتام نه وړاندې په مذاكراتو كښې د ګډون په اړه د ايران پرېكړه ډېره اهمه ده۔ ده ووئيل چې پاکستان د ايران مشران د مذاكراتو په دوېم پړاٶ كښې ګډون لپاره راضي كولو لپاره په زړه پورې هڅې كوي او دا هڅې جاري دي۔