اسلام آباد (مانند نیوز) وزیر اعظم شهباز شریف د پاكستان حكومت او اولس لخوا چينائي صدر شي جن پنګ ٬ اولس او په پاكستان كښې مېشته چينائي وګړو له د نوي چينائي كال مباركي وركولو سره وئيلي دي چې د چين نشاة ثانيه د 21 مې پېړۍ له زياتو مهمو موقعو څخه يوه ده٬ د پاکستان او چین ترمینځ د ملګرتيا تلپاتې تړون پياوړې كېدو پلو روان دے ٬ زمونږ اړيكې اوس په ټولشموله تزويراتي همكارۍ كښې بدلې شوي دي۔ د شورو په ورځ د نوي چينائي كال په موقعه خپل وډيو پېغام كښی وزير اعظم ووئيل زه د پاكستاني حكومت ٬ اولس لخوا صدر شي جن پنګ ٬ چينائي اولس او په پاكستان كښې مېشته چينائي وګړو له د نوې كال د خوشحالۍ په موقع د زړه له كومي مباركي وركوم۔ ده ووئيل د چين نشاة ثانيه د 21 مې پېړۍ په زياتو مهمو موقعو كښې يوه ده٬ د تېرو 6 لسيزو په مهال د چين د پرمختګ سفر د چينائي مشرتابه او په خاص توګه د چينائي صدر د پوهې او زيركتيا ښكاره ثبوت دے۔ ده ووئيل د پاکستان او چین ترمینځ د ملګرتيا تلپاتې تړون پياوړې كېدو پلو روان دے ٬ زمونږ اړيكې اوس په ټولشموله تزويراتي همكارۍ كښې بدلې شوي دي۔ وزيراعظم ووئيل د روان نوي چينائي كال علامت “مار” د حكمت علامت دے كوم چې مونږ ته ستونزو څخه د راوتلو قوت او د اجتماعي طاقت درس راكوي٬ مونږ په ګډه نړيوال امن ٬ سوكالۍ او همغږۍ لپاره فعاله همكاري كولې شوو۔ وزيراعظم دعا وكړه چې دا كال دے زمونږ دواړو سترو قامونو له خوش بختي او پرله پسې كاميابۍ راوړي او زمونږ ترمينځه تړون دې لا پياوړے كړي۔ ده ووئيل ګډ سباؤن له پاكستان او چين يو بل سره دي۔ ليکنه چليدنه وفاقي وزير عطاء تارړ د اسلام آباد هائي كورټ جرنلسټس ايسوسي ايشن ټاكل شوو عهديدارانو له مباركي وركړه د سعودي حكومت د پاكستان زرعي څانګه كښې سرمايه كارۍ سره پېداوار زيات شوے٬د سعودي حكومت او كنګ سلمان رېليف مركز د پاكستاني اولس لپاره په مرسته مننه كوو۔رانا تنوير حسېن