اسلام آباد۔(مانند نیوز) د کشمیر او ګلګت بلتستان چارو وفاقي وزیر انجینر امیر مقام د ګلګت بلتستان زړورو خلکو ته د دوی د 79 مې آزادۍ ورځې په مناسبت مبارکي وركولو سره وئيلي دي چې دا یو ځانګړې اعزاز دې چې د ګلګت بلتستان خلک د خپل وطن د خپلواکۍ ورځ دوه ځله لمانځي، یو ځل د اګست په 14مه او دوهم د نومبر په لومړۍ نېټه۔ دا ورځ د ګلګت بلتستان په تاریخ کې یو مهم پړاو ګڼل کیږي، کله چې د دې سیمې خلکو خپله خپلواکي ترلاسه کړه او له پاکستان سره یوځای شول۔ دلته څخه د خپور شوي بیان له مخې، انجینر امیر مقام د ګلګت بلتستان د خپلواکۍ ورځې په مناسبت په خپل ځانګړي پیغام کښې وویل چې د خوشحالۍ په دې موقع، مونږ باید د جمو و کشمیر او فلسطین وروڼه او خوېندې هم په یاد ولرو۔ هغه وويل چې نن زه د پاکستان پوځ ته سلام کوم، چې د هېواد د بې ثباته کولو لپاره يې د دښمن عناصرو ټولې منصوبې شنډې کړې دي۔ هر کله چې زموږ دښمن د خپلو ناوړه ارادو څرګندونه كولو سره په پولو د جارحيت كولو هڅې كړې زموږ مېړنو ځواكونو هغوي ته عبرتناكه ماتې وركولو سره هغوي خپلو منصوبوكښې ناكامه كړي دي۔ ليکنه چليدنه د صوبائي محتسب اداره به لا فعاله ، موثر او د اولسي مسائلو حل لپار د باور وړ فورم جوړولې شي ، د بلوچستان ګورنر