اسلام آباد(مانند نیوز) وزيراعظم شهباز شريف وئيلي دي چې حکومت د ميډيا د رغنده نيوكو هركلے كوي٬ په حكومتي پالېسيو رغنده نيوكې د ګورننس بهترۍ لپاره زياتې ضروري دي۔ د دې خيالاتو څرګندونه ده د پاكستان براډکاسټرز اېسوسی اېشن پلاوي سره د ملاقات په مهال خپلو خبرو كښې وكړه۔ دوزیراعظم آفس میډیا ونګ لخوا د جاري شوي بيان له مخې وزيراعظم خپلو خبرو كښې ووئيل حکومت او ميډيا يو بل سره د باور تړون لري٬ په حكومتي پالېسيو د ميډيا رغنده نيوكې د ګورننس بهترۍ لپاره ضروري دي٬ حكومت د ميډيا د رغنده نيوكو هركلے كوي ٬ په هېواد كښې د رايې څرګندونې بشپړه آزادي ده او حكومت د ميډيا د رياست په څلورمه ستن كېدو باور لري۔ وزيراعظم ووئيل اړان پاكستان په ځايي توګه تياره كړې شوې د هېواد د پرمختګ منصوبه ده كومه به چې د ميډيا او ټولو همكارانو په مرسته كاميابه كړؤ٬ د پاك پروردګار په فضل او كرم سره د هېواد استحكام څخه وروستو د پاكستان د پرمختګ رفتار چې په كال 2018ﺀ كښې كوم ځاے اودرولے شوے ؤ هم هغه ځاے څخه يو وارې بيا پېل شوے دے۔ ده ووئيل د ملګرو او ورونړو هېوادونو مننه كوؤ چې د هغوي په مرسته پاكستان د يفالټ كېدو خلې څخه بېرته راتللو سره د معاشي پرمختګ په لوري روان شو۔ ده ووئيل په هېواد كښې د ګرانۍ او د سود شرح كښې د كمي كرېډت د معاشي ډلې ستړو ته ځي٬ په برآمداتو كښې زياتوالې ٬ د صنعتي او كركيلې څانګې پرمختګ د حكومت د كاروبار دوست پالېسيو له امله ترلاسه كيږي۔ ده ووئيل په اېف بي آر كښې د اصلاحاتو په نافذ كولو او بشپړه ډیجیټائېزېشن كار تندۍ سره روان دے۔ وزیرِاعظم ووئيل د پټرولیم مصنوعات، چینی، سرې ٬ اوړو او د داسې نورو توكو د قاچاق مخنيوي سره قامي خزانې ته زياته ګټه ورسېده۔ ده ووئيل په ترسيلات كښې زياتوالې بهر هېوادونو كښې د ژوند كوؤنكو پاكستاني وګړو په حكومتي پالېسيو د باور زياتېدو عكاسي كوي۔ وزیرِاعظم ووئيل د ترهګرۍ په ضد جنګ كښې ټول قام قرباني وركړه٬ د پاك پوځ په شمول ټول قام به د دې ناسور تر ختمولو جنګ روان ساتي۔ وزیرِاعظم ووئيل د چين پاكستان اقتصادي راهدارۍ مېوې ترلاسه كېدل پېل شوي دي۔ ده ووئيل د میاں نواز شریف او چينائي صدر شي جن پنګ د پاكستان او منطقې د پرمختګ خوب ريښتيا كېدو ته نزدے دے٬ حكومت د سي پېك منصوبو زر تر زره بشپړ كولو له شپه او ورځ هڅې كوي۔ ده ووئيل مونږ د پاكستان معاشي سلامتيا لپاره د خپل سياست قرباني وركړه ٬ د هېواد پرمختګ لپاره به شپه او ورځ كار كوؤ۔ وزيراعظم صلاحيت لرونكي ځوانان او افرادي قوت د پاكستان تر ټولو لويه اثاثه ګرځولو سره ووئيل ځوانانو ته نړيوال معيار تعليم او تربيې آسانۍ او د يو ډول پرمختګ موقعې وركول زمونږ په لومړو ترجيحاتو كښې شامل دي۔ پلاوي په معاشي اشاريو كښې بهتري خوشبينه ګرځولو سره ووئيل میډیا به د هېواد په پرمختګ او د ګورننس په بهترۍ كښې خپل مثبت كردار ترسره كوي۔ پلاوي د بجلۍ بيعې ټيټولو او د بجلۍ په څانګه كښې اصلاحاتو لپاره آئی پی پیز سره د حكومتي معاملاتو په غوره ډول ترسره كولو له د وزيراعظم د هڅو ستائنه وكړه۔ د پلاوي غړو ووئيل هېواد سياسي استحكام ته اړتيا لري٬ حكومت دې به په دې لړ كښې خپل مثبت كردار ترسره كړي۔ په دې موقعه د اطلاعاتو وفاقي وزير عطاﺀ تارړ ٬ د اطلاعاتو وزارت اعلی چارواكي ٬ د پاكستان براډ كاسټرو اېسوسي اېشن چيئرمېن مياں عامر ٬ میر ابراهیم، ناز آفرین سهګل، سلطان لاکھانی، سلمان اقبال، شکیل مسعود، ندیم ملک او کاظم خان موجود ؤ۔ ليکنه چليدنه د خزانې وفاقي وزير محمد اورنګزېب د حالان ايم اين ټي چيف اېګزيكټيو افيسر مونيرنخلا سره ملاقات د امريكائي كانګريس غړو لخوا د داخله وزير محسن نقوي په درناوي كښې د ماسخوتن مېلمستيا