اليكشن كميشن د قومي او څلور واړو صوبائي اسمبليو نتيجې جاري كړې

اسلام آباد(مانند نیوز) الېكشن كمېشن د قومي اسمبلۍ د 264 حلقو نتيجې جاري كړې دي ٬ آزاد كانديدان 101 نشستونو سره تر ټولو وړاندې او مسلم ليګ (ن) 75 نشستونو سره په قومي اسمبلۍ كښې تر ټولو زيات اكثريت لرونكے ګوند ګرځولے شوے دے۔ په پنجاب اسمبلۍ كښې آزاد كانديدانو 138 او مسلم ليګ (ن) 137 نشستونه ترلاسه كړي دي۔ په سندھ اسمبلۍ كښې پي پي پي پي 84، خېبر پښتونخوا اسمبلۍ كښې آزاد كانديدان 90 او بلوچستان اسمبلۍ كښې پي پي پي پي او جمعیت علمائے اسلام پاکستان 11، 11 نشستونو سره وړاندې دي۔ د الېكشن كمېشن لخوا د جاري كړې شويو غېر حتمي غېر سركاري نتيجو له مخې د قومي اسمبلۍ په ټولو 266 عمومي نشستونو كښې په يو نشست د ټاكنو عمل د كانديد په حق رسېدو له امله ځنډولے شوے وو او د يو بل نشست په 25 پولنګ سټېشنونو به د فرورۍ په 15 مه نېټه يو وارې بيا پولنګ كولے شي۔ په 264 نشستونو كښې آزاد كانديدانو 101 ٬ پاكستان مسلم ليګ نون 75 ٬ پي پي پي پي 54، متحدہ قومی موومنټ پاکستان 17 ، جمعیت علمائے اسلام پاکستان 4، پاکستان مسلم لیګ 3، استحکام پاکستان ګوند او بلوچستان نېشنل ګوند 2،2 جبکہ مجلس وحدت المسلمین پاکستان ، پاکستان مسلم لیګ ضیا، پختونخوا نېشنل عوامی پارټی پاکستان ، بلوچستان عوامی پارټی، نیشنل پارټۍ اور بلوچستان ملی عوامی پارټۍ يو يو نشست ترلاسه كړے دے۔ د پنجاب اسمبلۍ 297 نشستونو كښې په يو نشست پی پی 266 رحیم یار خان د كانديد د وفات كېدو له امله ټاكنې ونكړې شوې۔ دلته پاکستان پیپلز پارټی پارلیمینټرینز ته 10، پاکستان مسلم لیګ ته 8 ٬ استحکام پاکستان ، پاکستان مسلم لیګ ضیا او تحریک لبیک پاکستان ته 1، 1 نشست ترلاسه شو۔ د سندھ اسمبلۍ په 130 نشستونو كښې د يوې حلقې په ځينې پولنګ ستېشنونو د بيا پولنګ كولو له امله ددې نتيجه ايساره كړې شوې ده۔ سندھ څخه متحدہ قومی موومنټ پاکستان 28 ، ګرینډ ډېموکریټک الائنس او جماعت اسلامی 2، 2 او آزاد كانديدانو 13 نشستونه ترلاسه كړل۔ د خېبر پښتونخوا اسمبلۍ په 115 نشستونو كښې د 112 نتيجې راغلې دي۔ په دوه نشستونو د كانديدانو د وفات كېدو له امله پولنګ ځنډولے شوے او په يوه حلقه كښې د پولنګ په ورځ د اړي ګړي صورتحال رامخې ته كېدو دلاسه د دې نتيجه ايساره كړې شوې ده۔ دلته جمعیت علمائے اسلام پاکستان 7، پاکستان مسلم لیګ (ن) 5، پاکستان پیپلز پارټی پارلیمینټرینز 4، جماعت اسلامی پاکستان 3، پاکستان تحریک انصاف پارلیمینټرینز 2 او عوامی نیشنل پارټۍ 1 نشست ترلاسه كړے دے۔ د بلوچستان اسمبلۍ د 51 نشستونو غېر حتمي او غېر سركاري نتيجې ترلاسه شوي دي په كومو كښې چې پاکستان پیپلز پارټی پارلیمینټرینز او جمعیت علمائے اسلام پاکستان 11، 11 نشستونو سره تر ټولو وړاندې دي۔ په نورو ګوندونو كښې پاکستان مسلم لیګ (ن) ته 10 ، آزاد كانديدانو ته 6، بلوچستان عوامی پارټۍ ته 4، نیشنل پارټۍ ته 3 ، عوامی نیشنل پارټۍ 2 ، بلوچستان نېشنل پارټۍ ، حق دو تحریک بلوچستان پارټۍ او جماعت اسلامی ته يو يو نشست ترلاسه شوے دے۔

50% LikesVS
50% Dislikes

اپنا تبصرہ بھیجیں