د نګران وزیراعظم انوار الحق کاکړ په مشرۍ كښې د وفاقي کابینې اجلاس

اسلام آباد۔1فروری (اے پی پی)وفاقي کابینې د قامي صحت وزارت په وېنا په نړيواله منډۍ كښې د خام مال زياتېدونكو بيعو تر مخه د 146 ډېرو ضروري او ځان بچ كوونكو داروګانو په بيعه كښې د زياتوالي او د مسابقتي کمیشن آف پاکستان او اسټیټ ایډمنسټریشن آف مارکیټ ریګولیشن چین تر مينځه په مفاهمتي یادښت د لاس ليك كولو منظوري وركړې۔ د زيارت په ورځ د وزیراعظم آفس میډیا څانګې څخه د جاري خبر پاڼې تر مخه د نګران وزیراعظم انوار الحق کاکړپه مشرۍ كښې د وفاقي کابینې غونډه وشوه۔ وفاقي کابینې د خزانې وزارت په وېنا د مسابقتي کمیشن آف پاکستان او د اسټیټ ایډمنسټریشن آف مارکیټ ریګولیشن چین تر مينځه د مفاهمتي یادښت د لا سليك كولو منظوري وركړه ،د دې یادښت تر مخه به د دواړو هېوادونو تر مينځه د معلومات تبادله اوتکنیکي استعداد كښې زياتوالے رامخې ته شي۔دغسې وفاقي کابینې د خارجه وزارت په وېنا نفسیات پوهه پاكستاني محمد سلیم خان ترین له دنفسیات څانګې په غوره خدمات د اعزاز په توګه د برطانیې بادشاہ چارلس (سوئم) څخه د ممبر آف برټش ایمپائر ایوارډاو ائیر چیف مارشل ظهیر احمد بابر سدھو ته هم د اټلي د اړخه د ګولډ میډل فار ایروناټیکل میرټتر لاسه كولو اجازه وركړه ۔ د اټلي حكومت دا اعزاز ایئر چیف مارشل ظهیر احمد بابر سدھو په مشرۍكښې د اټلي او پاکستان فضائیه تر مينځه د زياتېدونكې مرستې او خدمات په اعتراف وركړے ۔ دغسې کابینې د صحت وزارت په سفارش د هارډشپ کیټګري ترمخه عالمي منډۍ كښې د خام مال زياتېدونكو بيعو ترمخه د 146 ډېرو ضروري او ځان بچ كوونكو داروګانو بيعه كښې د زياتوالي منظوري وركړه۔ د قامي صحت وزارت او ډریپ د اړخه غونډه خبر كړې شوه چې د ډریپ آن لائن پورټل د لارې بازار كښې د داروګانو نشتوالي په اړه ګېلې به درج کولې شي۔ وزیراعظم غونډې ته ووئېل حکومت عام وګري ته د داروګانو په مناسب بيعه ورسولو په اړه هر ممکن اقدامات كوي ٬ ده سپارښتنه وكړه چې حکومت داسې پالیسۍ جوړويد كومو ګټه چې عام وګړي ته هم ورسي او فارماسیوټیکل صنعت هم ترقي وكړي۔ وزیراعظم دا هم امر وكړوچې د ډرګ ریګولیټري اتھارټي آف پاکستان کارکردګي لاښه كولو په اړه تجاویز وړاندې كړئ ۔ ده تاکید وكړوچې د داروګانوقاچاق او ذخیرہ كوونكو په ضد کارروائۍ ګړندۍ كړئ۔ وزیراعظم ووئېل د داروګانو بيعو ډي ریګولیشن په اړه ضروري قانون سازۍ په اړه سفارشات مرتب كړئ دغسې چې راروان ټاكلے حکومت دغه سفارشات پارلیمان ته وړاندې كړے شي ۔ کابینې د توان كابينه کمیټۍ په 26 مه جنورۍ 2024 غونډه كښې اود لیجسلیټو کیسونود كابينه كمېټۍ د 26 جنورۍ 2024 او د 31 جنورۍ 2024 په شوو غونډو كښې د پرېكړو توثیق هم وکړو۔

50% LikesVS
50% Dislikes

اپنا تبصرہ بھیجیں