ډيووس – په نړيوال اقتصادي فورم كښې د پاكستان او دبۍ ترمينځه سمندري او د لاجسټكس په څانګو كښې په مهمه لوظنامه لاس ليك

اسلام آباد (مانند نیوز ڈیسک) د مواصلاتو ٬ رېلوے او سمندري چارو نګران وفاقي وزير شاهد اشر ف تارړ او د پورټس ٬ كسټمز اېنډ فري زون كارپورېشن (پي سي اېف سي) چيئرمېن سلطان احمد بن سليم يوه مهمه بېن الحكومتي فرېم ورك لوظنامه لاس ليك كړې ده۔ د زيارت په ورځ د سمندري چارو وزارت لخوا د جاري شوي پرېس ريليز له مخې په مجوزه پېشرفت كښې د نیویګېشن چینل ډریجنګ هم شامل دے كوم چې ټائم انفراسټرکچر غوره جوړولو پلو يو مهم ګام دے۔ دې سره سره په لوظنامه كښی په پورټ قاسم كښې د اقتصادي زون جوړولو خاكه هم وړاندې كړې شوې ده چې مقصد يۍ نېغ په نېغه بهرنۍ سرمايه كارۍ كښې 3 بلین امریکائي ډالر څخه زيات راغب كول دي۔ پورټ قاسم كال 1980 څخه آپرېشنل دے او د دې كلن هېنډلنګ صلاحيت 89 ملین ټن دے۔ دا د هېواد يوازينې اېل اېن جي بندر ځايې دے۔ د بندر ځايې پراخا صنعتي زونن په 15،474 اېکړ خپور شوے دے۔ په لوظنامه د لاس ليك دستورې ته خپل خطاب كښې د پی سی اېف سی چیئرمین او د ډی پی ورلډ ګروپ چیئرمین او سی ای او سلطان احمد بن سلیم د پاكستان اقتصادي پرمختګ په اړه خپله جذبه څرګنده كړه۔ دوئي منځنۍ آسيا لپاره د تجارتي راهدارۍ په توګه د دې په اهميت زور راوړو۔ وفاقی وزیر شاهد اشرف تارړ ډی پی ورلډ سره په تلپاتې همكارۍ او د آسيا سترې دروازې په توګه د پاكستان په ستراتيجيكي اهميت ړنا واچوله۔ ده ووئيل لاس ليك شوې لوظنامې سره په منطقه كښې د اقتصادي پرمختګ ٬ په تجارت كښې د پراختيا او رابطو كښې د زياتوالي موقعې ځانګړې دروازې پرانستلې شوي دي۔

50% LikesVS
50% Dislikes

اپنا تبصرہ بھیجیں